1 160 ახალი შემთხვევა, 1 302 გამოჯანმრთელებული, 20 გარდაცვლილი – 19 მაისის კოვიდსტატისტიკა 

ავტორი ქეთი ბაჭველაშვილი

ბოლო 24 საათში კორონავირუსით დაინფიცირების 1 160 ახალი შემთხვევა დაფიქსირდა. Stopcov.ge-ზე გამოქვეყნებული ინფორმაციის თანახმად, უკანასკნელ დღე-ღამეში ქვეყნის მასშტაბით ჩატარდა 28 209 კვლევა ტესტით, მათ შორის 18 023 კვლევა ანტიგენის ტესტით და 10 186 PCR ტესტით.

საქართველოში კოვიდით ინფიცირების პირველი დადასტურებული შემთხვევიდან დღემდე 333 601 შემთხვევა გამოვლინდა.

ბოლო 24 საათში ვირუსისგან გამოჯანმრთელდა 1 302 პირი, ხოლო ჯამში გამოჯანმრთელებულთა რაოდენობა გაიზარდა 313 651-მდე. ხოლო რაც შეეხება გარდაცვალებას, კორონავირუსით დაინფიცირებული კიდევ 20 პაციენტი გარდაიცვალა, პანდემიის გავრცელებიდან დღემდე ვირუსს ჯამში 4 519 პირი ემსხვერპლა.

დღეს ქვეყანაში გამოვლენილი ინფიცირების 1 160 ახალი შემთხვევიდან: თბილისში გამოვლენილია 588 შემთხვევა, აჭარა – 86, იმერეთი – 113, ქვემო ქართლი – 80, შიდა ქართლი – 53, გურია – 31, სამეგრელო – ზემო სვანეთი – 110, კახეთი -51, მცხეთა-მთიანეთი – 21, სამცხე-ჯავახეთი – 22, რაჭა-ლეჩხუმი და ქვემო სვანეთი – 5.

ამ ეტაპზე ინფიცირების მიმდინარე აქტიური შემთხვევა არის 15 405, საიდანაც: 4 243 ადამიანი მკურნალობს საავადმყოფოში, მათ შორის, თბილისის საავადმყოფოებში – 2 344, აჭარაში – 479, იმერეთში – 539. ამ ეტაპზე მძიმე პაციენტია 918 პირი, მათ შორის, თბილისში – 449, აჭარაში – 93, იმერეთში -158. ხელოვნური სუნთქვის აპარატზე იმყოფება 218 პირი, მათგან თბილისში – 143, აჭარაში – 9, იმერეთში – 16. 669 ადამიანი მოთავსებულია კლინიკურ-სასტუმროებში, მათ შორის 367 – თბილისში, 270- აჭარაში. 10 493 პირი ვირუსის მკურნალობის კურსს გადის საცხოვრებელ ბინაზე.

საკარანტინე სივრცეებში მოთავსებულია 72 ადამიანი, მათ შორის, თბილისში – 62, ხოლო აჭარაში – 9.

სულ 6 ოქტომბრიდან – 18 მაისის პერიოდში, სახელმწიფო საზღვრიდან საკარანტინე სივრცეებში გადაყვანილია – 24 678 პირი.

ამ ეტაპისთვის თვითიზოლაციაში იმყოფება 24 491 ადამიანი, მათ შორის თბილისში – 16 872 პირი, აჭარაში – 1 436, იმერეთში – 1 613.

You may also like

Leave a Reply