​მარნეულში ახალგაზრდა ბიჭი მკვლელობის ბრალდებით მისივე მეზობელი დააკავეს 

მარნეულში ახალგაზრდა ბიჭის მკვლელობის ბრალდებით პოლიციამ ერთი პირი დააკავა. უწყების ცნობით, დაკავებულმა თავისივე მეზობელს სასიკვდილო ჭრილობები ცივი იარაღით მიაყენა.

“შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, 1990 წელს დაბადებული, წარსულში ნასამართლევი ა.მ. განზრახ მკვლელობის ბრალდებით დააკავეს.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ალკოჰოლის ზემოქმედების ქვეშ მყოფმა ბრალდებულმა ქალაქ მარნეულში, ურთიერთშელაპარაკებისას, მეზობლად მცხოვრებ ახლობელს – 1998 წელს დაბადებულ რ.გ.-ს ცივი იარაღის გამოყენებით სხეულზე ჭრილობები მიაყენა და მიიმალა. დაჭრილი მამაკაცი ადგილზე გარდაიცვალა.

პოლიციამ ბრალდებული მომხდარიდან მალევე დააკავა.

განზრახ მკვლელობის ფაქტზე გამოძიება საქართველოს სსკ-ის 108-ე მუხლით მიმდინარეობს” – ნათქვამია შსს-ს მიერ გავრცელებულ განცხადებაში.

You may also like

Leave a Reply

black on white - შავით თეთრზე