ევროპის ჩემპიონატის ფინალურ შეხვედრას ქართველი მსაჯები განსჯიან

ავტორი კახა მიხანაშვილი

6 ივნისს სლოვენიის დედაქალაქი ლუბლიანაში, 2021 წლის 21-წლამდე ფეხბურთელთა ევროპის ჩემპიონატის ფინალში ერთმანეთს გერმანიისა და პორტუგალიის ნაკრებები დაუპირისპირდებიან.

უეფას გადაწყვეტილებით, ისტორიაში პირველად, კონტინენტის პირველობის გადამწყვეტ შეხვედრას ქართველი მსაჯები განსჯიან.

მთავარი არბიტრი გიორგი ყრუაშვილი იქნება, მას ასისტენტობას ლევან ვარამიშვილი და ზაზა ფიფია გაუწევენ, მეოთხე მსაჯის ფუნქციას ირაკლი კვირიკაშვილი შეასრულებს.

ქართველმა მსაჯებმა ევრო 2021-ზე ფინალურ მატჩამდე სამ შეხვედრაზე იმუშავეს.

გიორგი ყრუაშვილის სამსაჯო ბრიგადამ ჯგუფურ ეტაპზე, ესპანეთი – ჩეხეთისა და ინგლისი – შვეიცარიის მატჩებს მოემსახურა, 1/4 ფინალში კი, ესპანეთისა და ხორვატიის 21-წლამდე ნაკრებთა დაპირისპირება განსაჯა.

​2019 წელს გიორგი ყრუაშვილი ფიფას სამსაჯო კლასიფიკაციაში დაწინაურდა და ისტორიაში მეორე ქარველი მსაჯი გახდა, რომელსაც ფიფას მეორე კატეგორიის არბიტრის სტატუსი მიენიჭა. მას შემდეგ გიორგი ყრუაშვილმა, ქართულ სამსაჯო ბრიგადასთან ერთად უეფას ეგიდით გამართული სხვადასხვა დონის შეხვედრებზე იმუშავა, მათ შორის უეფას ევროპის ლიგის ჯგუფურ ეტაპზე.

წყარო: gff.ge

You may also like

Leave a Reply