მწვერვალ უშბაზე გაუჩინარებული მამა-შვილი მაშველებმა გარდაცვლილები იპოვეს

ავტორი ქეთი ბაჭველაშვილი

11 დღიანი ძებნის შემდეგ, მწვერვალ უშბაზე გაუჩინარებული ალპინისტები – მამა და შვილი, მაშველებმა გარდაცვლილი იპოვეს. აღნიშნული ინფორმაცია საგანგებო სიტუაციების მართვის სამსახურმა გაავრცელა.

უწყების ცნობით, ცხედრები მესტიაშია გადასვენებული და შესაბამისი პროცედურები უტარდება.

“შინაგან საქმეთა სამინისტროს საზოგადოებრივი უსაფრთხოების მართვის ცენტრ “112”-ში შემოვიდა შეტყობინება მესტიაში, მწვერვალ უშბაზე გაუჩინარებული უცხოეთის ორი მოქალაქის შესახებ. ინიციატორის ინფორმაციით მთამსვლელებთან ვერ ხერხდებოდა დაკავშირება, უცნობი იყო მათი მდგომარეობა და საჭირო იყო სახანძრო-სამაშველო ძალების დახმარება.

შეტყობინებაზე რეაგირება მოახდინა საგანგებო სიტუაციების მართვის სამსახურმა და დაიწყო აქტიური საძიებო-სამაშველო ღონისძიებები. უამინდობის და რთული გარემო პირობების გამო, მაშველებს მწვერვალზე ქვეითად გადაადგილება უწევდათ. საძიებო-სამაშველო ღონისძიებაში შსს სასაზღვრო პოლიციის ვერტმფრენიც ჩაერთო.

საგანგებო სიტუაციების მართვის სამსახურის მაშველებმა, საძიებო ოპერაციის ფარგლებში, მწვერვალ უშბაზე ორი ადამიანის ცხედარი აღმოაჩინეს. ცხედრები გადმოსვენებულია მესტიაში და ტარდება შესაბამისი პროცედურები”- წერია საგანგებო სიტუაციების მართვის სამსახურის მიერ გავრცელებულ განცხადებაში.

You may also like

Leave a Reply