შსს-მ ბათუმში სადარბაზოს ჩამონგრევის ფაქტზე 3 პირი დააკავა 

ავტორი ქეთი ბაჭველაშვილი

შინაგან საქმეთა სამინისტრომ ბათუმში, საცხოვრებელი კორპუსის სადარბაზოს ჩამონგრევუს ფაქტზე სამი პირი დააკავა.

​უწყების ცნობით, ერთ-ერთმა დაკავებულმა, საცხოვრებელი კორპუსის პირველი სართულზე მდებარე ბინის მეპატრონემ, სარემონტო სამუშაოებისთვის დაიქირავა დანარჩენი ორი დაკავებული. შსს- ს ცნობითვე, ბინის მესაკუთრის მითითებით და უსაფრთხოების წესების უხეში დარღვევით საცხოვრებელ ბინაში სამშენებლო-სარემონტო სამუშაოები განხორციელდა, რამაც მიმდინარე წლის 8 ოქტომბერს საცხოვრებელი კორპუსის ერთი სადარბაზოს ჩამონგრევა გამოიწვია.​

დაკავებულებს ბრალის დამტკიცების შემთხვევაში 2-დან 10 წლამდე ვადით თავისუფლების აღკვეთა ემუქრებათ.

​შინაგან საქმეთა სამინისტროს აჭარის პოლიციის დეპარტამენტის თანამშრომლებმა ჩატარებული საგამოძიებო და ოპერატიული ღონისძიებების შედეგად, ბათუმში, 26 მაისის ქუჩაზე, საცხოვრებელი კორპუსის ნგრევის ფაქტზე მიმდინარე გამოძიების ფარგლებში 3 პირი: პირველი სართულზე მდებარე ბინის მესაკუთრე 1975 წელს დაბადებული ზ.ბ. , 1962 წელს დაბადებული ხ.ს. და 1992 წელს დაბადებულ გ.ს. დააკავეს.

დანაშაულები 2-დან 10 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბათუმში, 26 მაისის ქუჩაზე მდებარე საცხოვრებელი კორპუსის პირველი სართულზე ერთ-ერთი ბინის მფლობელმა ზ.ბ.-მ ბინაში სარემონტო სამუშაოებისთვის ხ.ს. და გ.ს. დაიქირავა. ბინის მესაკუთრის მითითებით და უსაფრთხოების წესების უხეში დარღვევით საცხოვრებელ ბინაში სამშენებლო-სარემონტო სამუშაოები განხორციელდა, რამაც მიმდინარე წლის 8 ოქტომბერს საცხოვრებელი კორპუსის ერთი სადარბაზოს ჩამონგრევა გამოიწვია.

სამშენებლო ან სხვა სამუშაოს წარმოებისას უსაფრთხოების წესის დარღვევის და სხვისი ნივთის დაზიანების ან განადგურების ფაქტებზე, რომელსაც ადამიანის სიცოცხლის მოსპობა და მძიმე შედეგი მოჰყვა გამოძიება საქართველოს სისხლის სამართლის კოდექსის 240-ე მუხლის მე-2 ნაწილით და 187-ე მუხლის მე-3 ნაწილით მიმდინარეობს.

ნანგრევებიდან ამ ეტაპზე მეხანძრე-მაშველების მიერ ამოყვანილია ორი მოქალაქე, რომლებიც გადაყვანილი არიან საავადმყოფოში, ასევე ნანგრევებში ნანახი იქნა ხუთი ცხედარი.ინტენსიურ რეჟიმში გრძელდება, როგორც საძიებო-სამაშველო ღონისძიებები, ასევე საგამოძიებო და საპროცესო მოქმედებები.” – წერია შინაგან საქმეთა სამინისტროს განცხადებაში.

You may also like

1 კომენტარი

- Black on White October 9, 2021 - 12:58 pm

[…] ქალი საავადმყოფოში გარდაიცვალა  შსს-მ ბათუმში სადარბაზოს ჩამონგრევის… ნანგრევებიდან ამოსვენებულ 5 […]

პასუხი

Leave a Reply

%d bloggers like this: